شجرة العائله

شجرة العائله

السبت، 31 ديسمبر 2011

دعوة إعتذار





السلام عليكم ورحمة الله وبركاته

معلش ياجماعه ده لا هيكون اول ولا اخر اعتذار عن تاخرى الدائم والمستمر عليكم


(ربنا ما يقطعش ليا عادة ولا يحرمكم من انقطاع نتى الدائم )


وبما انى ما لقتش اى فايدة ترجى من النت فقررت انتحر بطريقه اخر ى
.
.
.
.
.
النهاردة ان شاء الرحمن هيكون اخر  يوم لنا كلنا فى سنه 2011


.
.
.
.


واخر يوم ليا انا كمان
.
.
.
.

مش فى الحياة
.
.
.
.
لا 
.
.
.
.
اخر يوم ليا فى العزوبيه
.
.
.
فاسالكم الدعاء لي ولزوجى بان يرزقنا الله الحياه الصالحة التى ترضيه عنا وان يجدنا حيث امرنا والا يجدنا حيث نهانا
وان يرزقنا الذريه الصالحة الحافظه للقرآن
.
.
.
دعواتكم ياجماعة مش تأمنوا فى سركم
.
.
تعاطفكم لوحده مش كفايه
.
.
اختكم
 wise

الأحد، 1 مايو 2011

*** الحلقة الرابعة عشر



 



الحلقة 14

والدة خالد : سؤال واحد البنت اللى فى الصور ده مراتك؟

سكت ورجعت نزلت راسي

وقلت لها بخجل: يا امى ده كانت زميله فى الجامعه

قاطعته  بصوتها الحاد : خااااااااالد بطل لف ودوران

مراتك؟؟؟؟

رفع خالد راسه ونزلها بسرعه:

ولم يشعر سوى بيد امه وهى على خده

خالد بغضب : انتى يا امى بتضريبنى؟

والدة خالد وقد بدت عليها ملامح التعب : انت كسرت فرحتى

ابنى الوحيد

ضناياى يكسرنى

قول لى ان الصور ده مش حقيقيه

قول لى يا بنى انك قد الثقه اللى اديتها لك

قول انى ما غلطتش فى تريبتى لك بعد ما ابوك مات

وبدات تنفسها يعلى

وبدات تاخد نفسها بصعوبة

قرب منها خالد

ماما الله يخليكى ردى عليا

ماما انا ماعملتش اى حاجة تغضب ربنا

يا امى

بصت له بالم

خالد قول انك مش متجوز

قول يا خالد ان الصور ده متلفقه

ماما الله يخليك بطلى كلام

شكل السكرزايد عليكى

وسندها لحد ما ريح راسها على الكنبه

وبسرعه سحب شنطته علشان يقيس لها الضغط

وصعق لما قاسه

ماما احنا لازم نروح المستشفى

انتى ضغطك عالى اووى

والدة خالد : ........

خالد : ماما الله يبارك لك

ما تتعبينيش وتوجعى قلبى عليكى

خالد : امى ده فعلا صورى

بس كنا مشتركين فى مسرحية

كنا فيها عريس وعروسة

وخدنا الصور ده بعدها

ده هزار كنا بنهزر مع بعض

واتصورنا كده

هزار

ارتاحى يا امى وقومى معايا المستشفى

والده خالد : بجد يا بنى

كانت نصف واعية و تئن ... و بتتنفس بشكل غير طبيعي

والدة خالد :هي كلمة ومش هاتنيها

من بكرة تجي معايا عشان نخطب  بنت خالتك

خالد بانكار وحدة : لا كله الا بنت خالتى

والدة خالد : يبقى الصور ده حقيقه

خالد : يا امى الله يهديكى

قلت لك كنا بنمثل مسرحيه فى الجامعة

وخدنا الصور على سبيل الهزار

والدة خالد :...........

رمت نفسها على الكرسي وقالت بغضب وصوتها

بدا يتملى ارهاق

: والله ثم والله ثم والله ...إن كسرت كلامي ...لا انت ابنى  ولا اعرفك

وهاكون غضبانة عليك ليوم الدين

خفت عليها وخاصه مع تنفسها الثقيل وصوتها المرهق :

فقربت منها وقلت لها برجاء :  انتى تعبانة دلوقت بكرة  ان شاء الله نتكلم

وحاول خالد يعيد قياس ضغطها لكنها رمت ايده وقالت له

اخرج بره

ولو ما نفذتش كلامى لا انت ابنى ولاعرفك

طلع خالد من اوضتها خاف لو فضل انها تتعب اكتر

دخل خالد اوضته ورمى نفسه على اول كرسى قابله

ليه يحصل كده؟؟

وليه ما انتهزتش الفرصه واعترفت لها بكل حاجة؟؟

وللدرجه ده علا مستهترة

والله لاادفعك التمن غالى ياعلا

غالى جدا

بمنتهى العصبيه

حاااااااااااضر ياعلا

وضرب قبضة ايده اليمين في راحة ايده الشمال

ماكنتش اعرف انك بالحقارة ده

استغفر الله العظيم

ردة فعلها كانت سريعة جدا

انا كنت متخيل انها بعد الكلام اللى قلته

انى قلبت الترابيزة عليها

وحطيت الكرة فى ملعبى

*******************







الخميس، 14 أبريل 2011

*الحلقة الثالثة عشر

الحلقة 13



ويدوب نهيت الاتصال ولسه هرجع لمكانى

فوجئت ان التليفون بيرن تانى
 

ربنا يستر اليوم ده شكله مش هيعدى

وضغطت على زرار الرد وقلت بمبالاة

علا : يا نعم

خالد: انتى عايزة ايه؟؟

جاوبت بسخرية: شاااااااااااااطر !!

كده يبقى الهدية عجبتك

ونقدر نتفاهم

خالد :...................

علا: او ما تتعبش نفسك

و

شوف انت بقى لما الصور ده توصل لوالدتك

ولا خالتك

هيكون رد فعلهم ايه؟
 

خالد ببرود: عايزة تقنعينى انك هتقدرى تقولى لخالتك؟

علا : مش محتاجة انى اقنعك

بس متهيالى انت شاطر وهتسمع الكلام

خالد:طيب ياريت تورينى شطارتك هتوديكى لفين؟

واضاف بحدة:وصدقينى يومها تبقى حكمتى على نفسك

وهتشوفى انا اقدر اعمل ايه؟

وكمل ببرود:ها...اا
 قلتى ايه.؟
الحق انادى لك خالتك تكلميها؟؟؟

علا بكل حقد : ردى هيوصلك

قريب جدا
 

وانهت المكالمة

وسرحت تماما

ايه اللى قلب الموقف عليا كده؟

وكمان له عين يهددنى
لالا انا مش لازم اسكت له

انا هاوريك يا خالد

انا هاوريك

عند خالد

وهو ماسك دماغه فى عصبية

البنت ده ممكن تحكى لاهلها

ممكن تتجرا وتعملها

طيب ولو قالت لهم؟؟؟

يااااااااااااااااااربنا

طلعت لى منين ده؟

أستغفر الله العظيم ..أستغفر الله العظيم
وفجاة باب الأوضه اتفتح
والدة خالد : عايزة اتكلم معاك

اغسل وشك وتعالى لى مستنياك بره

خالد : ماما الله يبارك لك ما ينفعش ناجل الكلام لبكرة؟

والدة خالد : مستنياك فى اوضتى

خالد : استغفر الله العظيم

وقام بسرعه وراح لوالدته

خالد : خير ياامى فيه ايه؟

والدة خالد : اقفل الباب وراك وتعالى

ملامح امى مش مريحة

خالد : خير يا امى؟

بصت لى بنظرة غريبة وبعدين نزلت عينها وقال بحدة: اقعد يا خالد

قعدت فى اتجاهها وقلت بتوتر: خير يا امى ما اعتقدش انك قومتينى من سريرى علشان تطمنى عليا

شكلك بيقول إن في حاجة كبيرة

رجعت لنفس نظرتها اللى مش عارف معناها

وقالت لى بنفس الاسلوب

: إللي حصل إني طول السنين دي كلها أكتشفت إني فشلت في تربية ابنى

زاد خوف خالد وتوتره وسالها : ايه ياامى الكلام الكبير ده؟

مافيش حاجة تستاهل كلامك ده

قامت والدته فتحت الدرج اللى جنبها وطلعت منه ظرف ورمت بعصبيه على خالد وقالت بكل غضب : تحب تخمن ده صور مين؟

ولا تفتح ونشوفها سوا تانى؟

ما بقتش عارف ارد

الحقيرة

لحقت تنفذ تهديها؟

شكلها كانت سايبه الصور فى البيت ومرتبه لكل حاجة

بس لحقت تقول لها؟ امتى؟ وازاى؟

نزلت راسي وقلت بإرتباك: يا امى ده صور

ضربت بايدها على الباب بحدة وقالت: بتنكر؟

نشغل السى دى كمان علشان تتاكد انك انت العريس؟

انا ما خلفتش انا معنديش ولاد من النهاردة

ورفعت ايدها ولسه هتمدها عليه

رفع خالد عيونه في امه بإستغراب وحزن

وقال لها بأسف: للدرجه ده؟

وكمان هتمدى ايدك عليا يا امى؟

ده انتى ما عملتهاش وانا صغير

قالت بحدة: واكسر راسك كمان

خالد بإحتجاج:يا امى ده مجرد صور

والدة خالد : سؤال واحد البنت اللى فى الصور ده مراتك؟
تفتكروا خالد هيرد يقول ايه ؟
وهى مين اللى فى الصور؟
وهل
هى اروى ؟
ولا واحدة تانيه غيرها ؟

الجمعة، 8 أبريل 2011

*الحلقة الثانية عشر المواجهة



ورجعت صاحبتنا سرحانة وبتفكر فى اللى هى عملته

بعد ما قابلت خالد فى عيادته

ياترى غلط ولا صح؟

انا ايه اللى خلانى سبت له النمرة ؟

يااااااااه

اول مرة اعمل حاجة من غير ما استخير

انا ازاى عملت كده؟

ياترى انا صح ولا غلط؟

و رن جرس التليفون

ترررررررررررررن

.تناولت هاتفها من على السرير بسرعه قبل ما البيت كله يصحى على الصوت

تاملت الرقم...رقم غريب!!

ارتجفت ايدها وهى بتتناول تليفونها

وقالت لنفسها:أكيد هو

تنفست ثلاث مرات بعمق..عشان تنظم تنفسها ....

وردت: سلام عليكم

سمعت صوته الجاف العصبى: طلباتك؟؟

أسلوبه وترني فحاولت اتماسك وقلت بكل هدوء:كدا على طول طلباتي؟؟

خالد:............

سكت لحظات ورجعت قلت له: إن شاء الله تكون زيارتى وهديتى عجبوك

رد بصوت عالي: اخلصي !!....انتى عايزة ايه ؟

جاوبته بحقد: عايزك تسدد الدين اللى عليك

خالد :دين .....وعليا

الاخت مندوبة تحصيل فى بنك؟

انتى اكيد مش مظبوطة

صاحبتنا : لا عليك ديون مش دين واحد

جاوب ببرود: ماعنديش ديون لحد

قلت له: راجع حساباتك كويس وانت تعرف إن عليك دين

خالد : بقول لك ايه؟

من غير لف ودوران

انتى مين؟

وعايزة ايه؟

جاوبته بكل برود: عايزاك تحترم الانسانة اللى شايله اسمك

ده اقل حاجة قصاد اللى عملته علشانك

والا هيكون ليا تصرف مش هيعجبك

خالد : قلت لك انا ما بتهددش واعلى ما فى خيلك اركبيه

صاحبتنا : بس كده؟

حاااااااااااااااااااضر

اعلى ما فى خيلى هركبه

ونشوف مين اللى هيضحك فى الاخر

خالد بكل بروود: هنشوف

صاحبتنا :...........

خالد : ممكن تخلصينى وتعرفينى انتى عايزة ايه منى بالظبط

صاحبتنا : زى ما خطبتنى

تتصرف وتلغى الموضوع

خالد يابنتى انتى بتلككى؟

انا خطبتك ولا جيت جنبك؟

انتى فايقه يابنتى ولا شاربة حاجة؟

صاحبتنا : لا انت اللى شارب علشان كده مش عارف تستوعب كلامى

خالد : انت فعلا واحده مستهترة ومعندكيش اخلاق

ده بقى طريقة جديده للمعاكسة

صاحبتنا: يا سلاااااااام

دا انا اللى مستهترة؟

والله من بعض ما عندكم

قال وهو مندهش: هههههه يعني انتي

دلوقت عايزنى الغى الخطوبة؟

اللى انا اصلا ما عملتهاش؟

مش باقول لك بتلككى

قلت له عشان أستفزه: اه و هتلغيها غصبا عنك

قال ببرود: العبي على قدك

سألته : يعني مش خايف ؟

قال بحدة : بما انك مستقويه بشويه كلام وتهديدات

فأنتي غلطانة مش دكتور خالد اللى يتهدد

انتي غلطانة في العنوان

قلت له بسرعة عشان قبل ما يقفل الخط: اروى

مراتك مش خايف عليها؟

قال بعصبية: إنتى ايه علاقتك بمراتى

جاوبته ببرود: الله .. الله

ده دكتور خالد طلع متجوز اهو

قال بإحتقار: ما تقدريش تعملى اى حاجة

واللى عايزة تعمليه اعمليه

وقسما بالله العظيم لو مسيتي فيها شعرة ..لأخفيك من على وش الأرض

وانا اعرفك مين خالد كويس

انا غلطان إني اتكلمت مع وحدة زيك

وما تفتكريش ان كلامك ده ممكن يأثر فيا

روحي العبي بعيد

اضافت باستفزاز: ووالدتك؟

خالد :...............

خالد : انتى ماتقدريش تعملى اى حاجة .

صاحبتنا : لا مسألة إني ما أقدرش اعمل حاجة

ممكن نبقى نتاكد منها بعد كده

اما موضوع ما اعرفكش كويس!!

فانا اعرفك كويس جدا

اكتر مما تتخيل

صاحبتنا: اه صحيح الكلام خدنا

و نسيت اعرفك بنفسى

خالد :ومين قال لك انا عايزاتعرف بواحدة زيك؟

صاحبتنا :للاسف ده مش بمزاجك انا بنت خالتك

جاوبنى باندهاش : بنت خالتى ..!!!!!!!!!!!!!؟؟؟؟؟؟ ؟؟؟؟؟؟.

وصاحبة اروى

والعروسه الجديدة اللى والدتك خطبتها لك

الى هنا لم يستطع خالد اكمال المكالمة فاغلق هاتفه بسرعه

ووقف شاردا يفكر وهو لا يستطيع للان استيعاب ما قالته
عـــــــــــــــــــــــــــــــــــــــــــــلا
عــــــــــــــــــــــــــــــــــلا

**************


السبت، 2 أبريل 2011

الحلقة الحادية عشر : الزيارة الغامضة


نزل خالد على عيادته

وأول ما وصل اتصل باروى علشان يطمن عليها

خالد : صباح الكسل يا اروتى

اروى بكسل وصوت نايم: صباح النور

خالد : شكلك مش فايقه لسه

هسيبك تكملى نوم وبعدين اكلمك

اروى : ماشى تصبح على خير

وسمع خالد صوت طرق على الباب

وكان السكرتير بيساله
دلوقت لو يحب يبدا

 ويدخل له الحالات اللى بره

ودخل له اول كشف

خالد وهو يطالع الاسم المكتوب أمامه فى ورق الكشف: أنسة ميار

ثم رفع نظره اليها مؤكدا على الاسم : مش صح برضه الاسم

ميار :...........

بص لها خالد وسألها متجاهل تماما تطنيشها :

حضرتك بتشتكى من ايه ؟؟

ميار:...............

صمتت فترة ثم التفت له ببطء ورفعت رأسها :...........

ما ان تلاقت اعينهم وحتى خفضتها سريعا

نظراتها كانت غريبة مالهاش تفسير عنده

خالد لنفسه:مش عارف ليه حسيت إن العيون دي انا شفتها قبل كدا.. عارفها كويس!! ...

ومع إني أول مرة اشوفها في حياتي

لكن من نظراتها ليا

احساسى انى اعرفها اتغلب عليا لدرجه انى لسه كنت هاقع

واسالها : احنا مانعرفش بعض قبل كده؟

بس لحقت نفسى وقلت : اتفضلى انا سامعك

ميار:...................

نظراتها أستفزتني

مش عارف ليه حسيت إنها بتكرهني

غريبة البنت ده

خالد فى عصبية:حضرتك جايه هنا علشان تسكتى؟

ولا حد واصف لك تاخدى لى صورة؟

ميار:................

وتنهد فى ملل :حضرتك قولى اللى بتحسى بيه علشان اقدر اكتب لك علاج ونخلص

فقالت بكبرياء : ومين قال لك انك ينفع تعالج حد؟

ثم اضافت فى برود وبطء: وسيادتك اكبر مرض

لهنا كانت طريقتها مستفزة جدا

وما اقدرش خالدانه يتحمل اكثر من كده

فوقف بكل عصبية وقال : اطلعى بره

ضربت مياربيدهاعلى المكتب بعصبية ووقفت

وقالت بحدة: قبل ما تغلط وتندم ...
 وضغطت على كلمة تندم
ياريت تفكر وتقولى اللى يخدع اهله

ويتقدم لبنات الناس وهو متجوز

وهيكون اب قريب

حضرتك توصفه بايه؟

خالد بدهشة : انتى يا بنتى مجنونة

ايه علاقه ده بيا؟

وبعدين مين اللى متقدم واب؟

وحسم خالد موقفه قائلا : اطلعى بره

ميار : انا اعقل منك ومن اللى زيك

قالت بتريقة : انا ماشية

ثم اضافت فى لهجة تحذيرية:بس اعرف ان حياتك تحت ايدي وقريب جدا هنتقابل

وياريت تتفرج على الهديه اللى انا جبتها لك معايا

ورمتها له على المكتب

وقبل ما تدى له فرصة يرد

سابت العيادة ومشيت

اخذ خالد يفرك يديه وهو فى قمه غيظه ان ما قدرش حتى يرد عليها

وتنفس ببطء مهدئا نفسه وهو يقول

مش عارف ليه سكت لها

فكرت إني أروح اخنقها بايدي

إني ابهدلها زى ما بهدلتنى فى العيادة

بس مسكت اعصابى بالعافية

وانا بستغفر واتنفس بعصبية

وعلى طول قمت اتوضا علشان اهدى شويه قبل الكشف الجديد

ومخى مش راضى يوقف تفكير فى البنت ده

وليه بتتكلم معايا بالطريقه ده ؟

اكيداحساسى كان مظبوط

هى تعرفنى بس منين ؟

وضرب بايده بعصبية على منضده الكشف

وحدث نفسه بصوت مرتفع قائلا: ايه اللى مخليها تكرهنى كده؟

***********

وحاول ان يركز فى شغله باى طريقه

وبعد ما انتهى اليوم

خالد

رجعت البيت وانا على اخرى مش عارف حتى سوقت ازاى

الحمد لله ان ربنا لطف من غير اى حادثه

والدة خالد : ايه يابنى قلقتنى عليك كل ده تاخير؟

خالد بعد ان قبل يد والدته : ما انتى عارفه ياست الكل

شغلنا مالوش مواعيد

والدة خالد : ربنا يقويك يابنى انت واللى زيك

خالد : ويخليكى ليا يا امى

وبعدين مش ناويه تعشينى ياست الكل ولا ايه

والدة خالد : عقبال ماتصلى العشا يكون العشا جهز

وبمجرد ان ذهبت والدته للمطبخ تناول الهاتف ليطمئن على

أروى

خالد : سلام عليكم

أروى: وعليكم السلام

خالد : ها اخبار الجميل ايه النهاردة

أروى بدلال: بس بقى

انا مخصماك ومش عايزة ارد عليك

خالد : لا ما اقدرش انا على زعل مراتى حبيبتى

اروى : لا ما انت قدرت خلاص

خالد : طيب اعرف بس الجميل زعلان ليه

اروى: ياسلام يعنى يهمك؟

خالد : اكيد

اروى: بقى لك كام ساعه ما سمعتش صوتى فيهم؟

خالد : ما انتى عارفه الوضع هنا يااروى

ولازم تتحملى معايا شويه

اروى : بس انا ....

قاطعها خالد : معلش اتحملى معايا

واوعدك ان كله هيتغير

اروى: امتى ياخالد؟

انا مش عايزة ابننا يتولد من غير ما والدتك تعرف

خالد : ان شاء الله

طمنينى بقى كلتى وخدتى دواكى؟

اروى: خدت دوايا

خالد : وكلتى؟

اروى : لا ماليش نفس

خالد : لا ياستى الكلام ده ما ينفعش

انا عايز ابنى ينزل حجم عائلى

الاوزان المينى بتاعت اليومين دوول ده ما تنفعنيش

اروى:ههههههههههه

ماليش نفس اكل لوحدى

خالد : ومين قال انك وحدك ما انا سايب معاكى راجل

وبعدين فين صاحبتك اللى كنتى بتكلمينى عنها

اروى: علا

اروى : ما انت شفتها معايا

خالد : مش فاكر المهم ابقى اعزميها تقعد معاكى

اروى : ما هى عندها برضه مامتها واخواتها

خاااااااااالد

خااااااااااااالد

وسمع صوت والدته بتنادى عليه

فقال بصوت خافت: طيب يا حبيبتى هاسيبك واكلمك

بكرة ان شاء الله

تصبحى على خير

اروى باستسلام: وانت من اهل الخير

وقام خالد لتناول العشاء مع والدته

خالد : الله يا امى تسلم ايديك

الواحد كان محروم من الاكل الطعم ده

الام وهى تربت على ظهره بحنان : الف هنا يا حبيبى

الف هنا

عقبال يارب ما تاكل من ايد مراتك

خالد : فى حياتك يا امى ان شاء الله

والدة خالد :وانا عندى لك حتة عروسه انما ايه

خالد : كح

كح

كح

كح

والدة خالد بقلق : سلامتك يا حبيبى

سلامتك

وناولته كوب الماء بلهفة

خالد وهو يغادر المائدة:ماتتخضيش يا امى ده شرقه عادية

الام : رايح فين مش هتكمل اكلك

خالد : لا شبعت الحمد لله

الام : يابنى كمل اكلك

كل عدل

خالد :كل ده واكل عدل

ده انا من كترالاكل كنت هموت

الام : بعد الشر

خالد : عنك وعنى يا امى

يالا تصبحى على خير لانى هلكان

وقبل راسها

ورمى بجسده المتهالك على سريره وعقله مازال يحلل ماحدث

وبعد دقيقتين

تذكر الهدية المزعومة اللى قالت انها جبتها له

وتناولها وفتحها ليعرف ما بها

ايه ده

c d

وصور له مع اروى

وصور له مع والدته

وصور له مع بعض اقاربه

ورقم موبايل

اكيد رقمها

امسك الرقم بعصبية وقام بالاتصال به

ياترى هيقول ايه ؟؟

ومين ميار؟

؟وايه علاقتها بخالد واهله