شجرة العائله

شجرة العائله

السبت، 14 أغسطس، 2010

الحلقة الرابعة :عروسة صينى ... لا وايه ديلفرى

الحلقة الثالثة



أنس:علااااااااااااااااااا



واستمر فى النداء حتى وصل الى غرفه الصالون



أنس: أيه ياعلا ناقص اجيب ميكرفون واناديكى علشان تسمعى



علا وهى تسد اذنيها بيديها : وانت محتاج



ما انت ربنا مبارك لك فى احبالك الصوتية



ماما : قولى ماشاء ماشاء الله

علا: ليه هو ده ينفع معاه حسد
ماما وطانت : اخص عليكى ياعلا
ماشاء الله عليه

ثم التفتت طانت زكية لانس: مافيش ازيك ياطانت



أنس باحراج : معلش ياطانت اسف ماخدتش بالى



حضرتك عامله ايه



طانت زكيه : ولايهمك يا حبيبى



انت اخبارك ايه ؟



أنس : الحمد لله



طانت زكيه : قريب جدا هاحتاج منك خدمة صغيرة كده



أنس : منى انا؟؟؟ وخدمة ؟؟



طانت زكية :  امال مين اللى هيعمل هيصة لسارة ويفرحها



أنس : حضرتك تؤمرى يا طانت فى اى وقت



طانت : عقبالك يا حبيبى



أنس بكل تاكيد: قريب جدا يا طانت ان شاء الله



ضحكت طانت وماما بشدة



طانت زكيه : ومتسربع على ايه؟؟



أنس  فى انكار: متسربع ايه بس ياطانت
ده جدو اتجوز اصغر منى



بعد اذنكم



تعالى ياعلا معايا عايزك ضرورى



علا : ربنا يستر



وخرجا من الغرفة



علا : خير يا سيدى



ماهو انت مش ممكن تصحى بدرى



لا و كمان تدورعليا مخصوص 
 اكيد يعنى مش علشان تصبح عليا
أنس : عايز جمعية ضرورى



ولازم اقبض الاول ويكون قبضها 1500 جنيه



امسكت علا بورقه من مكتبه وكتب : جمعية



الاول



1500



بسرعة



وبصت له بكل سخرية : لك طلبات تانيه نكتبها فى الاستمارة



أنس : علا انا مش بهرج انا بتكلم جد

علا : ولا انا


 
انا كتبت طلباتك وهستنى بابا نويل لما يجي ويديها لك




أنس : علا بطلى رخامة



انا فعلا محتاج الفلوس ده



مش نفسك تفرحى باخوكى قريب



علا : وايه علاقه ده بده؟



هما بيوزعوا بكالوريسات الهندسه دلوقت من سنه اولى



أنس : لا طبعا



بس انا هفرحك اووى وهعمل حاجة ماما نفسها فيها من زمان



علا  وهى تفكر بجدية :وهما 1500 يطلعوا  ماما عمرة 
 أنسى
العمرة اغلى من كده



وبعدين ما ينفعش تطلع ماما عمرة وتسيب بابا



أنس بحرج : لا طبعا



ان شاء الله لما اكبر واتعين هاطلعهم هما الاتنين عمرة سوا



انا هفرحهم بطريقة تانيه خالص



علا وهى تهرش راسها  : مش فاهمة



أنس : تعالى اوريكى



واشار انس لاحدى صفحات الفيس بووك



علا : هتورينى ايه على الفيس بووك



أنس : اقرى بس وانتى ساكتة


. بسبب ارتفاع تكاليف الزواج



قررت الصين مساهمة منها فى التيسير على الشباب



بتوفير فرص للزواج



نقدم لكم



.
.
.
.
.
.


فرصة لكل شباب التكلفه 1200



بالاضافة الى 300 مصاريف شحن


مزايا اخرى يمكنك الاختيار من اكثر من كاتلوج



علا : انت اللى كتبت النكتة ده



أنس : ده مش نكتة



علا : ؟؟؟؟



أنس : اولا من غير تريقة لو سمحتى



ثانيا : انتى مش نفسك تحضرى فرحى



مش ماما نفسها اتجوز




انا هعمل جمعيه واجيب لى عروسة من هناك





وبعدين مش محتاجة شقة هى هتسكن معانا هنا



علا بسخرية : يا ماشاء الله



واتخيلت الموضوع ده لو اتسرب للبنات



احتمال كبير يعملوا غزوة للصين وتحصل اول ابادة جماعيه فى الالفية التالتة



أنس : ياعلا فكرى بعقل ايه المشكله فى كده



علا : ومين قال انها مشكلة

وهزت راسها فى سخرية واضحة

ده مصيبة



قال وانا اكبر مشاكلى موجات الحر اللى هتهب علينا فى رمضان



اتارى كمان الموجات مش حر بس



ده موجات بنات كمااااااااااااان



يا الله الواحد هيلاقيها من الحر ولا بنات الصين دوول كمان



وفجأة سمعنا ماما بتنادى ياعلا



الحقى هاتى اخواتك من الحضانة



علا : حاضر ياماما



أنس : هتعملى لى الجمعيه بسرعه



علا : اه ان شاء الله لما ارجع نتكلم ونشوف عايز كام وامتى



بس ما تفتحش الموضوع ده مع ماما سيبيها عليا

ثم اردفت فى سرها: اه انا استحمل الصدمات ده لكن ماما حراام
كفايه عليها اللى شافته مننا

أنس : طول عمرى اقول ماحدش يفهمنى غيرعلا حبيبتى



علا لنفسها علا ... وحبيبتى



حاضر يا انس ماتخرجش بس علشان لما



نرجع نكمل كلامنا



أنس : حاولى ماتتاخريش



**************



وخرجت عديت على صاحبتى أروى لانى وعدتها



اننا نعمل شوبنج سوا وبعد السلامات والتحيات



وطبعا ما غابش عن نظرنا
 (ده اذا كان لسه شغال اصلا)



ان كل حاجة بقت صينى



موبايل صينى



سخان صينى



أروى: ياااااربى .. ايه الغزو ده
 كله صينى؟



علا وهى تضحك : ياريتها جت على الموبايلات وشويه الاجهزة بس



أروى : ؟؟؟



علا : ماسمعتيش بقى المنتج الجديد اللى نازل السوق



أروى : منتج ايه؟؟



علا : عروسة صينى



أروى فى تفهم : اه اللى بتمشى وتنور



علا فى سرها ماوصلتش لسه : اه ياحبيتى بتمشى لكن مش بتنور



عروسه بجد



أروى: عروسه ازاى يعنى



علا : زوجة



مدام



Wife



أروى : نعمممممممممممممم



علا يبقى وصلت : اه يا حبيبتى



لا وايه عاملين عليهم ديسكونت محترم



أروى..............؟ 



علا : ايه يابنتى تنحتى ليه كده



أروى : مش عارفه استوعب



علا :  خدى ده كمان علشان تستوعيبهم سوا 
الخدمات بقى ممتازة موفرين للعرسان خدمة الديلفرى



أروى : ال ..ايه



علا ببساطة :الديلفرى



ثم اكملت بالفصحى : أى التوصيل للمنازل



كمان هنعلمكم انجليزى



ولا صينى علشان تتفاهموا مع العرايس الجداد



أروى : بطلى هزار رخم



علا هههههه: ياريته كان هزار يا بنتى



ياريته كان هزار



وسرحت وهى بتقول



تخيلى بقى لو واحد مش مرتاح مع مراته



او ياحراااااام مع المهور بتاعة الايام ده
  الواحد  دلوقت ماعندوش اى مشكلة
يعنى ب1500يعف نفسه بكام عروسه صينى



فى ثوانى يتصل باقرب سفارة صينى



وتجيب له احلى عروسة



او ممكن يروح يستلمها ويوفر مصاريف الديلفرى



وواضح ان الموضوع ضايق اروى جدا



لانها قالت بطريقة دفاعية : ماكلنا عارفين ان المنتجات الصين مغشوشة كلها



علا :طيب انتى نفدتى ومتجوزة



يعملوا ايه بقى الغلابه اللى لسه



أروى : نفدت ايه؟



افرضى حب يغير ويجرب الصينى



علا : ههههههههه



أروى : يارب هما المصريين ناقصين مصايب



تخيلى لو حد سمع الكلام ده



علا : بسيطه هتلاقى نصهم اتشل



والنص التانى بيفكر جديا فى الشلل



أروى : يا خوووووووفى



علا : والله عندك حق



الصينيات دلوقتى اقتحموا بيوتنا وحبه حبه نلاقيهم نازلين من حنفية البيت



أروى : ربنا يستر



علا: تعرفى كان نفسى اسال أنس هو العرض مستمر لامتى؟



أروى : ليه هما عاملين العرض عرايس وعرسان



علا : هههههههه



لا عرايس بس للاسف



أروى : امال بتسالى ليه ؟



علا : عايزة اعرف هو العرض عروسة بس



ولا عليها هديه اتارى او كمبيوتر



ومعاها مترجم ولا ده على العريس

ويمكن يبقى حظنا حلو

ونلاقى شركات عاملة عروض حلوة

واحنا بقى نقعد نختار
وندور على المواصفات القياسية
واعمل نفسى  ام العريف وانصحه

واقول له لازم ننقى حاجة يكون لها مركز صيانه قريب وكمان قطع غيرها متوفرة

مش برضه هتبقى مرات اخويا
أروى : انتى واخدة الموضوع هزار



علا : ومااخدوش هزار ليه



اللى هيفكر فى كده هيكون واحد بيهرج



لان سيدنا النبى عليه الصلاة والسلام



قال تخيروا لنطفكم
اروى: عليه الصلاة والسلام

اجى انا واتجوز بالطريقه ده



أروى  بنفس الحماس: على فكرة بقى الصينى ده مش عملى يعنى لو يقع يتكسر



علا : ااااااااه لكن العروسة المصرى تخبطيها فى الحيط ترجع تانى



ولو طلعت مغشوشه عنده قطع غيارها



اه طبعا مش مشترى من الموزع الرئيسى

هههههههههههههه

وبعد عدة محاورات تخللتها العديد من الدراسات



لمحاولة صد الغزو الصينى وايجاد سلاح رادع



بدون اى فايدة طبعا



استاذنت منها علشان اروح اجيب اثير واسلام



ورجعت بهم على البيت



وهى بتستعد لمحاوله صد الغزو الصينى على بيتهم



ياترى هتعمل ايه مع انس ؟



وهل ممكن انها تقدر فى صد هذا العدوان وحماية الاسر المصرية



هنشووووووف



الخميس، 5 أغسطس، 2010

الحلقة الثالثة :طانت زكية رويتر

الحلقة الثالثة

أخدت الشنطه من ماما

ومش عارفه ليه جت على بالى صورة البنت
اللى فى  فيلم
( نحن لانزرع الشوك)


ونزلت على السلم وانا باغنى :والله يازمن لا بايدينا زرعنا الشوك
اصطحبت الصغيران بكل هدوء 

وملحقتش اتهنى بالهدوء اللحظى ده ابدا

 
فجأة لقيت الاتنين وقفوا على السلم ونزلوا شنطهم

اسلام : لا ده دورى
أثير: لا انت طماع دو دورى أنا





إسلام : لاياخمامة ده دورى

 
علا وهى تتابعهم هى وصلت لخمامة

لا كده الامور تطورت جداااااااا
علا : بسسسسسسس اصبحنا واصبح الملك لله
وبعدين معاكم كده هتتاخروا

أثير : ياعلا إسلام ده عايز يضحك عليا وياخد دورى
إسلام : لا ده دورى أنا
ماما قالت لى كده قبل ما ننزل

علا لنفسها :آآآآآآآآه هى فيها ماما
ياخوفى تكون وعدتهم ان اشيل كل واحد فيهم مرة
أااااه ماما تعملها ابقى فليبنية وكمان شيالة

الله يسامحك يا امى

وظيفة من عندك ياااارب



وبصيت لهم بكل براءه وأنا بأدعى يارب يخيب ظنى :

 
ماما قالت لكم ايه ياحلوووين

 
واضافت بتحذير : بس خدوا بالكم انا ظهرى واجعنى


 
أثير بسرعه قبل ما إسلام يلحق حتى يفتح بقه



ماما قالت انا اللى هلعب مدرسة النهارده
انا اللى هقول دعاء الخروج



وانتم تقولوا ورايا



بصيت لاثير المبتسمه بكل جزل وفرحانه بتقمص دور المدرسة

 
وقلت فى عقل بالى: ومستعجله على ايه بكرة لو طلعتى مدرسة تندمى

 
وبصيت وقلت لها:مممممم اه النهاردة دورك وبكرة دور اسلام


 
وبصيت لاسلام علشان الحق نفسى قبل ما يزعل : انت بقى يابطل تساعدنى
وتفكرنى بالاذكار علشان نقولها سوا واحنا ماشيين

هز إسلام رأسه بمنتهى الشر : حاااااضر



انا اخد الكلام الاكتر علشان انا الشاطر



وبمجرد ما اثير سمعت : لا يا سلاااااااام



أنا اللى هاقول الاكتر



علا : بسسسسس



انا اللى هاقول الاتنين



يارب انا ذنبى ايه فى الصداع ده


يعنى الواحد ما اتجوزش زى اتجوز



الهم وراه وراه



************



انهيت مهمتى بعد عناااااااااااء



ورجعت للهدوء والراحه والسكينه



ياااااااااااااأخيرا فى بيتنا



وسمعت صوت امى :وصلتى اخواتك يا حبيبتى



علا : الحمد لله



أصلى الضحى وأرتاح شويه عايزة حاجة ياست الكل



الام : ربنا يقبل منك يابنتى



عقبال يارب ما تصلى فى بيت جوزك



وبدات الاسطوانة اياها



وكأن الصلاة فى بيت الزوج بمثابه الحج فى الاجر مثلا



هززت راسى لامى كى اتمكن من ايقاف سيل الدعوات: عقبال يارب ما نصلى جميعا فى الحرم اللهم اميييييين



هى مش طانت زكيه رويتر قالت لحضرتك انها نازله لك شويه النهاردة



الام : قالت بعد الظهر



وبعدين انا مش 100 مرة قلت لك بلاش الاسم ده



علا :الله هو انا باقول حاجه غلط



بذمتك انتى مش معاها بتحسى انك قاعدة مع موجز الانباء



فى نص ساعه تديكى ملخص لاهم احداث الشارع



ولو القعدة طولت شويه تقلب على احداث 24 ساعة



الام: عيب يابنتى المرة اللى فاتت اثير كانت هتنسحب من لسانها



وتقول ياطانت رويتر



لولا انى لحقتها



علا : اطفال ياماما حد ياخد على كلامهم



تررررررررن ترررررررن







الام : اهى طانتك زكيه شكلها وصلت



علا : طانتى منين بس



حااااااضر ثوانى ياللى على الباب



علا : اهلا اهلا ياطانت



وبعد كام فعصة من طانت زكيه وكام أمووووووووه
أموووووه



طانت زكيه : أزيك ياعلا يا حبيتى



عامله ايه



ياترى لقيتى شغله ولا لسه قاعدة فى البيت



علا : اهلا يا طانت طيب حضرتك ادخلى ارتاحى على الاقل



خدى نفسك مش من على الباب كده



الام : اهلا اهلا يا زكيه اتفضلى..... اتفضلى



وسحبتها ماما على الصالون اقصد دخلتها



الام :ايه الغيبة الطويله ده يازكيه ؟



بقى لنا زمان ماحدش شافك



طانت زكية : لو كنت وحشتك صحيح كنتى طلعتى لنا



الام : ما انتى عارفه اسلام واثير ومذاكرتهم مجننى



علا لنفسها:



كل الحوار اللى فات ده عادى بس ان ماما تقول



ان مذاكرة اثير واسلام شغلتها



حسيت انى ولا........ بلاش دايما قلبى ابيض



علا من تحت اسنانها : اه ياماما فعلا



المواد بقت صعبه خالص والمذاكرة كل مرة وبتكون اعقد









وكانهم عاملين مسابقه مين يعقد المذاكرة اكتر



طانت زكية :هو أنتم التعليم على ايامكم ده تعليم



ماما: اه والله عندك حق



طانت زكيه : الله يرحمه زكى بدر كان الله يبارك له مريحنا



علا : ههههههههه امال مين اللى ماسك دلوقت يا طانت



طانت انا اعرف ياعلا



اصلهم كتير الواحد مش بيلحق يحفظلهم اسم



شكل كرسى وزارة التربيه والتعليم اتحسد



أه حد بص لهم فيه



او مركبين عليه تيفال



محدش عارف يقعد ويثبت عليه كله بيتزحلق



لكن لو كان زى كرسى وزارة الزراعة



ماشاء الله اللهم صلى على النبى



تقوليش لزقة ألمانى ماشاء الله اللى يقعد عليه ما ينزلش



علا ووالدتها : عليه الصلاةوالسلام



الام : عندك حق يا زكيه



علا وقد اعجبها الحديث وارادت ان تطيل المناقشه مع طانتها زكيه



يمكن تستفيد من خبرات الست



واهو يبقى طلعت منها باى حاجة تنفع بدل حرقه الدم



علا: ماهو برضه تلامذة اليومين دوول مش اى تلامذة



لازم لهم وزرة من نوع خاص



طانت زكيه : والله يا بنتى بيصعبوا عليا بتوع التعليم دوول



بياخدوا دعاوى تخلى السليم يتشل



علا : ههههههههههههه



لا ما تقلقيش الشلل ده للغلابه



و غير سارى على المرتبة



العليا من الوزارت الحكومية





 
والدة علا وطانت :هههههههههه



طانت زكية : قبل مالكلام ياخدنا وانسى



انا جايه النهاردة علشان اعزمكم



ماما بفرح : سارة اتخطبت







طانت بكل فخر : اه شفتى البنات هيكبرونا



عقبال يارب ما تفرحى بعلا



علا : شكرا ياطانت



والده علا: ياااااااارب اشوفها فى بيت جوزها يارب



علا لنفسها تكونش هتشوفنى فى البيت الابيض



ثم التفتت لتغير مجرى الحديث



وقالت بكل رقة :والعريس ياطونت (رقة بقى) شغال ايه



اتعدلت طانت زكيه وخدت وضع مريح اكتر وحسيت انها لو اتنفخت اكتر من كده هتطير فقمت بسرعه مسكت كتفها بكل حنيه ماهى مش حلوة ابدا



الجيران يبصوا يلاقوا طانت طايرة من بلكونتنا



طانت زكيه : مهندس ميكانيكا قد الدنيا



ماما : ماشاء الله ماشاء الله صبرت ونالت



طانت بكل اندفاعيه : صبرت ايه ده بنتى اصغر من علا ب8 سنين



ان شاء الله ربنا يطمن قلبك على علا كده قريب



ثم وجهت لسانها سريع الطلقات عليا وقالت : يالا بقى اتجدعنى ياعلا



اوعى تعملى زى بنت طانت احسان اللى قعدت ترفض ترفض لحد ما خدت ابن عم فتحى المكوجى



وما تعمليش زى بنت طانتك تفيدة : اللى فاتها القطر



علا : فاتها القطر



طيب ما ركبتش حاجة تانيه ليه



هو ده عيب الشعب المصرى الروتيييين



طانت فى عدم فهم: نعم



ماما : لا ابدا



ما انتى عارفه علا غاويه هزار



وبصت لى ماما وهى بتضغط على اسنانها وتقول : الله يحظك ياعلا



وبعدين راحت ماما بصت لى بصة بمعنى



اتعدلى لاقوم اعدلك



وقالت بكل حنية : مش هتعملى لطانت حاجة من ايديك الحلووين



طبعا مش محتاج اى ايضاح ماما تقصد تقولى انصرفى من قدامنا الساعه ده



بس ولا يهمنى



طانت زكية رويتر: مش هاوصيك بقى سارة مالهاش اخوات بنات



علا : ولا اخوات ولاد ياطانت



ماما وهى تضرب ايدها على كتفها : واحنا رحنا فين؟؟؟



علا فاضيه ومافيش وراها حاجة من بكرة تنزل مع سارة



ويشتروا الحاجات اللى عايزاها سوا



ولا ايه ياعلا



علا ببرود: هو انا ليا راى بعد اللى قلتيه



وقالت لنفسهااقوم اطلع غلبى فى اخواتى احسن ما اطق



أثييييييييييييير



اسلاااااااااااااااااااام



والدةعلا : سلامتك ياعلا انتى ناسيه انك وصلتيهم الحضانه من ساعتين



علا : لا حضانة ايه



اروح اجيبهم علشان يذاكروا



علا : الواحد من الفرح نسى نفسه مش عايزانى انسى اسلام واثير



وتبص لطانت زكيه : بجد بجد فرحت من كل قلبى



علا وهى بتجز على اسنانها : بعد اذنك يا طانت



وفجأة سمعت أنس بيصرخ :علالالالالالالالالالالالالالالالا



ياترى أنس بيصرخ ليه؟



وايه اللى هيحصل مع سارة ؟



استنوا أشوف أنس علشان صوته وحش وأرجع أحكى لكم






*************