شجرة العائله

شجرة العائله

الخميس، 5 أغسطس 2010

الحلقة الثالثة :طانت زكية رويتر

الحلقة الثالثة

أخدت الشنطه من ماما

ومش عارفه ليه جت على بالى صورة البنت
اللى فى  فيلم
( نحن لانزرع الشوك)


ونزلت على السلم وانا باغنى :والله يازمن لا بايدينا زرعنا الشوك
اصطحبت الصغيران بكل هدوء 

وملحقتش اتهنى بالهدوء اللحظى ده ابدا

 
فجأة لقيت الاتنين وقفوا على السلم ونزلوا شنطهم

اسلام : لا ده دورى
أثير: لا انت طماع دو دورى أنا





إسلام : لاياخمامة ده دورى

 
علا وهى تتابعهم هى وصلت لخمامة

لا كده الامور تطورت جداااااااا
علا : بسسسسسسس اصبحنا واصبح الملك لله
وبعدين معاكم كده هتتاخروا

أثير : ياعلا إسلام ده عايز يضحك عليا وياخد دورى
إسلام : لا ده دورى أنا
ماما قالت لى كده قبل ما ننزل

علا لنفسها :آآآآآآآآه هى فيها ماما
ياخوفى تكون وعدتهم ان اشيل كل واحد فيهم مرة
أااااه ماما تعملها ابقى فليبنية وكمان شيالة

الله يسامحك يا امى

وظيفة من عندك ياااارب



وبصيت لهم بكل براءه وأنا بأدعى يارب يخيب ظنى :

 
ماما قالت لكم ايه ياحلوووين

 
واضافت بتحذير : بس خدوا بالكم انا ظهرى واجعنى


 
أثير بسرعه قبل ما إسلام يلحق حتى يفتح بقه



ماما قالت انا اللى هلعب مدرسة النهارده
انا اللى هقول دعاء الخروج



وانتم تقولوا ورايا



بصيت لاثير المبتسمه بكل جزل وفرحانه بتقمص دور المدرسة

 
وقلت فى عقل بالى: ومستعجله على ايه بكرة لو طلعتى مدرسة تندمى

 
وبصيت وقلت لها:مممممم اه النهاردة دورك وبكرة دور اسلام


 
وبصيت لاسلام علشان الحق نفسى قبل ما يزعل : انت بقى يابطل تساعدنى
وتفكرنى بالاذكار علشان نقولها سوا واحنا ماشيين

هز إسلام رأسه بمنتهى الشر : حاااااضر



انا اخد الكلام الاكتر علشان انا الشاطر



وبمجرد ما اثير سمعت : لا يا سلاااااااام



أنا اللى هاقول الاكتر



علا : بسسسسس



انا اللى هاقول الاتنين



يارب انا ذنبى ايه فى الصداع ده


يعنى الواحد ما اتجوزش زى اتجوز



الهم وراه وراه



************



انهيت مهمتى بعد عناااااااااااء



ورجعت للهدوء والراحه والسكينه



ياااااااااااااأخيرا فى بيتنا



وسمعت صوت امى :وصلتى اخواتك يا حبيبتى



علا : الحمد لله



أصلى الضحى وأرتاح شويه عايزة حاجة ياست الكل



الام : ربنا يقبل منك يابنتى



عقبال يارب ما تصلى فى بيت جوزك



وبدات الاسطوانة اياها



وكأن الصلاة فى بيت الزوج بمثابه الحج فى الاجر مثلا



هززت راسى لامى كى اتمكن من ايقاف سيل الدعوات: عقبال يارب ما نصلى جميعا فى الحرم اللهم اميييييين



هى مش طانت زكيه رويتر قالت لحضرتك انها نازله لك شويه النهاردة



الام : قالت بعد الظهر



وبعدين انا مش 100 مرة قلت لك بلاش الاسم ده



علا :الله هو انا باقول حاجه غلط



بذمتك انتى مش معاها بتحسى انك قاعدة مع موجز الانباء



فى نص ساعه تديكى ملخص لاهم احداث الشارع



ولو القعدة طولت شويه تقلب على احداث 24 ساعة



الام: عيب يابنتى المرة اللى فاتت اثير كانت هتنسحب من لسانها



وتقول ياطانت رويتر



لولا انى لحقتها



علا : اطفال ياماما حد ياخد على كلامهم



تررررررررن ترررررررن







الام : اهى طانتك زكيه شكلها وصلت



علا : طانتى منين بس



حااااااضر ثوانى ياللى على الباب



علا : اهلا اهلا ياطانت



وبعد كام فعصة من طانت زكيه وكام أمووووووووه
أموووووه



طانت زكيه : أزيك ياعلا يا حبيتى



عامله ايه



ياترى لقيتى شغله ولا لسه قاعدة فى البيت



علا : اهلا يا طانت طيب حضرتك ادخلى ارتاحى على الاقل



خدى نفسك مش من على الباب كده



الام : اهلا اهلا يا زكيه اتفضلى..... اتفضلى



وسحبتها ماما على الصالون اقصد دخلتها



الام :ايه الغيبة الطويله ده يازكيه ؟



بقى لنا زمان ماحدش شافك



طانت زكية : لو كنت وحشتك صحيح كنتى طلعتى لنا



الام : ما انتى عارفه اسلام واثير ومذاكرتهم مجننى



علا لنفسها:



كل الحوار اللى فات ده عادى بس ان ماما تقول



ان مذاكرة اثير واسلام شغلتها



حسيت انى ولا........ بلاش دايما قلبى ابيض



علا من تحت اسنانها : اه ياماما فعلا



المواد بقت صعبه خالص والمذاكرة كل مرة وبتكون اعقد









وكانهم عاملين مسابقه مين يعقد المذاكرة اكتر



طانت زكية :هو أنتم التعليم على ايامكم ده تعليم



ماما: اه والله عندك حق



طانت زكيه : الله يرحمه زكى بدر كان الله يبارك له مريحنا



علا : ههههههههه امال مين اللى ماسك دلوقت يا طانت



طانت انا اعرف ياعلا



اصلهم كتير الواحد مش بيلحق يحفظلهم اسم



شكل كرسى وزارة التربيه والتعليم اتحسد



أه حد بص لهم فيه



او مركبين عليه تيفال



محدش عارف يقعد ويثبت عليه كله بيتزحلق



لكن لو كان زى كرسى وزارة الزراعة



ماشاء الله اللهم صلى على النبى



تقوليش لزقة ألمانى ماشاء الله اللى يقعد عليه ما ينزلش



علا ووالدتها : عليه الصلاةوالسلام



الام : عندك حق يا زكيه



علا وقد اعجبها الحديث وارادت ان تطيل المناقشه مع طانتها زكيه



يمكن تستفيد من خبرات الست



واهو يبقى طلعت منها باى حاجة تنفع بدل حرقه الدم



علا: ماهو برضه تلامذة اليومين دوول مش اى تلامذة



لازم لهم وزرة من نوع خاص



طانت زكيه : والله يا بنتى بيصعبوا عليا بتوع التعليم دوول



بياخدوا دعاوى تخلى السليم يتشل



علا : ههههههههههههه



لا ما تقلقيش الشلل ده للغلابه



و غير سارى على المرتبة



العليا من الوزارت الحكومية





 
والدة علا وطانت :هههههههههه



طانت زكية : قبل مالكلام ياخدنا وانسى



انا جايه النهاردة علشان اعزمكم



ماما بفرح : سارة اتخطبت







طانت بكل فخر : اه شفتى البنات هيكبرونا



عقبال يارب ما تفرحى بعلا



علا : شكرا ياطانت



والده علا: ياااااااارب اشوفها فى بيت جوزها يارب



علا لنفسها تكونش هتشوفنى فى البيت الابيض



ثم التفتت لتغير مجرى الحديث



وقالت بكل رقة :والعريس ياطونت (رقة بقى) شغال ايه



اتعدلت طانت زكيه وخدت وضع مريح اكتر وحسيت انها لو اتنفخت اكتر من كده هتطير فقمت بسرعه مسكت كتفها بكل حنيه ماهى مش حلوة ابدا



الجيران يبصوا يلاقوا طانت طايرة من بلكونتنا



طانت زكيه : مهندس ميكانيكا قد الدنيا



ماما : ماشاء الله ماشاء الله صبرت ونالت



طانت بكل اندفاعيه : صبرت ايه ده بنتى اصغر من علا ب8 سنين



ان شاء الله ربنا يطمن قلبك على علا كده قريب



ثم وجهت لسانها سريع الطلقات عليا وقالت : يالا بقى اتجدعنى ياعلا



اوعى تعملى زى بنت طانت احسان اللى قعدت ترفض ترفض لحد ما خدت ابن عم فتحى المكوجى



وما تعمليش زى بنت طانتك تفيدة : اللى فاتها القطر



علا : فاتها القطر



طيب ما ركبتش حاجة تانيه ليه



هو ده عيب الشعب المصرى الروتيييين



طانت فى عدم فهم: نعم



ماما : لا ابدا



ما انتى عارفه علا غاويه هزار



وبصت لى ماما وهى بتضغط على اسنانها وتقول : الله يحظك ياعلا



وبعدين راحت ماما بصت لى بصة بمعنى



اتعدلى لاقوم اعدلك



وقالت بكل حنية : مش هتعملى لطانت حاجة من ايديك الحلووين



طبعا مش محتاج اى ايضاح ماما تقصد تقولى انصرفى من قدامنا الساعه ده



بس ولا يهمنى



طانت زكية رويتر: مش هاوصيك بقى سارة مالهاش اخوات بنات



علا : ولا اخوات ولاد ياطانت



ماما وهى تضرب ايدها على كتفها : واحنا رحنا فين؟؟؟



علا فاضيه ومافيش وراها حاجة من بكرة تنزل مع سارة



ويشتروا الحاجات اللى عايزاها سوا



ولا ايه ياعلا



علا ببرود: هو انا ليا راى بعد اللى قلتيه



وقالت لنفسهااقوم اطلع غلبى فى اخواتى احسن ما اطق



أثييييييييييييير



اسلاااااااااااااااااااام



والدةعلا : سلامتك ياعلا انتى ناسيه انك وصلتيهم الحضانه من ساعتين



علا : لا حضانة ايه



اروح اجيبهم علشان يذاكروا



علا : الواحد من الفرح نسى نفسه مش عايزانى انسى اسلام واثير



وتبص لطانت زكيه : بجد بجد فرحت من كل قلبى



علا وهى بتجز على اسنانها : بعد اذنك يا طانت



وفجأة سمعت أنس بيصرخ :علالالالالالالالالالالالالالالالا



ياترى أنس بيصرخ ليه؟



وايه اللى هيحصل مع سارة ؟



استنوا أشوف أنس علشان صوته وحش وأرجع أحكى لكم






*************





هناك 13 تعليقًا:

  1. ههههههههههه

    ضحكتينى يا وايزى

    يا عينى حاسه إن عُلا يا حرام هيطلعلها حاجه فى نافوخها من طنطك زكيه رويتر

    متابعه معااااكى

    بس متتأخريش بقى

    خليكى جدعه

    ردحذف
  2. مها بحالها عندنا
    يامرحبا يامرحبا
    ولو انى مش عارفه يعنى ايه بحالها ده
    ماهو لازم تيجى بحالك
    يعنى هتردى بنص حال ونص حال فى الشغل
    المهم انى قدرت اضحك يامها
    ده حاجه انتى عارفه قد ايه تفرحنى
    وبلاش خليكى جدعه ده
    لانى مش
    جدعة
    خاااالص

    ردحذف
  3. نقول سلام عليكم الاول

    قبل ما نحدف الطوب

    عشان ربنا يبارك وتيجي ف النافوخ علطول

    فيظهر كل المستخبي ونعرف اسلاااام بيصرخ ليه


    رجعنا لحركاات زمااان يا وايز

    وبعدين معاكى يعنى هه

    اجيب الفلكه يعنى ولا ايه


    يلا بسرعه قوليلنا مال الواد اسلاااام


    بس بجد بجد

    ماشيه ف كله يا بنتى

    رمانسي ماشي

    كوميدي ماشي

    ايه ده ياربي ماسورة مواهب متفجره

    منتظرااااكى وخدى بالك من صباااعي ااه

    ردحذف
  4. مادام قلتى سلام عليكم
    نرد احنا كمان
    اه بس علشان تعرفى اننا ناس ذوق ذوق ذوق
    وعليكم السلام ورحمة الله وبركاته يادودوى

    وبالنسبه لانس
    تلاقيه جعان ولا حاجة
    الحلقه الجايه نشوف ماله علشان مش ناقصه صداع مع الحر

    ردحذف
  5. السلام عليكم
    فعلا جميلة وتحسي انه تخيل بجد بيحصل كده واكتر من كده
    كل عام وانتم بخير

    ردحذف
  6. بصى بقى يا وايزى

    سؤال برئ يعنى وطيب وحنين وكل شئ


    هو علا مش بتكتب مذكراتها غير مره كل شهر؟


    ده سؤال برئ ع الماشى :)

    ردحذف
  7. ههههههههههه حلوة اوى ياوايز
    خلى المذكرات اسبوعية
    وياريت تكون يومية(:
    بجد جميلة

    ردحذف
  8. magdy Hatemاستاذ:
    عليكم السلام ورحمة الله وبركاته
    الحمد لله انه عجبت حضرتك
    وكل عام وانتم الى الله اقرب اسال الله ان يبلغكم رمضان
    ويعتق رقاب المسلمين من النار

    ردحذف
  9. سلام عليكم ورحمه الله وبركاته noha saleh
    اهلا اهلا بك فى يوميات علا
    وخدى بالك انا لسه مرحبه بك
    يعنى مووضع يوميه ده تنسيه
    اه
    خلينا حلووين من الاول
    سعيده جدا انها عجبتك يانهى
    نورتى المدونة
    وسلااااااامى لجنى وكل عام وانت الى الله اقرب
    ربنا يبلغنا جميعا رمضان

    ردحذف
  10. مها البنا
    انتى عارفه كويس انى عندى حساسية مزمنة من كلمة بصى ده
    بالله عليكى ده سؤال برىء
    مش باقولك عندى حساسية
    اه يامها هى بتكتبها كل شهر
    واحتمال تكون نصف سنوية
    او سنوية
    اللى تحبيها
    انتى تطلبى يامها وانا عليا ...... انتى عارفة

    ردحذف
  11. طالما قلتى اللى أطلبه

    فأنا طيبه وهطلبها أسبوعيا

    شوفتى أنا حلوه معاكى إزاى :)

    كل سنه وانتى طيبه يا وايزى

    ردحذف
  12. أزال المؤلف هذا التعليق.

    ردحذف
  13. السلام عليكم ورحمه الله وبركاته يامها
    كل سنة وانتى الى الله اقرب
    وبمناسبه الاقتراح السابق ذكره
    حلوة السابق ذكره (حلوة السايق ذكر ده بتفكرنى بعبده روتين )
    انا هاسيب لك بقى البدء بهذه المهمة
    يعنى سيادتك كل اسبوع تتحفينا بقصيدة او زجل

    ردحذف