شجرة العائله

شجرة العائله

الأحد، 1 مايو، 2011

*** الحلقة الرابعة عشر



 



الحلقة 14

والدة خالد : سؤال واحد البنت اللى فى الصور ده مراتك؟

سكت ورجعت نزلت راسي

وقلت لها بخجل: يا امى ده كانت زميله فى الجامعه

قاطعته  بصوتها الحاد : خااااااااالد بطل لف ودوران

مراتك؟؟؟؟

رفع خالد راسه ونزلها بسرعه:

ولم يشعر سوى بيد امه وهى على خده

خالد بغضب : انتى يا امى بتضريبنى؟

والدة خالد وقد بدت عليها ملامح التعب : انت كسرت فرحتى

ابنى الوحيد

ضناياى يكسرنى

قول لى ان الصور ده مش حقيقيه

قول لى يا بنى انك قد الثقه اللى اديتها لك

قول انى ما غلطتش فى تريبتى لك بعد ما ابوك مات

وبدات تنفسها يعلى

وبدات تاخد نفسها بصعوبة

قرب منها خالد

ماما الله يخليكى ردى عليا

ماما انا ماعملتش اى حاجة تغضب ربنا

يا امى

بصت له بالم

خالد قول انك مش متجوز

قول يا خالد ان الصور ده متلفقه

ماما الله يخليك بطلى كلام

شكل السكرزايد عليكى

وسندها لحد ما ريح راسها على الكنبه

وبسرعه سحب شنطته علشان يقيس لها الضغط

وصعق لما قاسه

ماما احنا لازم نروح المستشفى

انتى ضغطك عالى اووى

والدة خالد : ........

خالد : ماما الله يبارك لك

ما تتعبينيش وتوجعى قلبى عليكى

خالد : امى ده فعلا صورى

بس كنا مشتركين فى مسرحية

كنا فيها عريس وعروسة

وخدنا الصور ده بعدها

ده هزار كنا بنهزر مع بعض

واتصورنا كده

هزار

ارتاحى يا امى وقومى معايا المستشفى

والده خالد : بجد يا بنى

كانت نصف واعية و تئن ... و بتتنفس بشكل غير طبيعي

والدة خالد :هي كلمة ومش هاتنيها

من بكرة تجي معايا عشان نخطب  بنت خالتك

خالد بانكار وحدة : لا كله الا بنت خالتى

والدة خالد : يبقى الصور ده حقيقه

خالد : يا امى الله يهديكى

قلت لك كنا بنمثل مسرحيه فى الجامعة

وخدنا الصور على سبيل الهزار

والدة خالد :...........

رمت نفسها على الكرسي وقالت بغضب وصوتها

بدا يتملى ارهاق

: والله ثم والله ثم والله ...إن كسرت كلامي ...لا انت ابنى  ولا اعرفك

وهاكون غضبانة عليك ليوم الدين

خفت عليها وخاصه مع تنفسها الثقيل وصوتها المرهق :

فقربت منها وقلت لها برجاء :  انتى تعبانة دلوقت بكرة  ان شاء الله نتكلم

وحاول خالد يعيد قياس ضغطها لكنها رمت ايده وقالت له

اخرج بره

ولو ما نفذتش كلامى لا انت ابنى ولاعرفك

طلع خالد من اوضتها خاف لو فضل انها تتعب اكتر

دخل خالد اوضته ورمى نفسه على اول كرسى قابله

ليه يحصل كده؟؟

وليه ما انتهزتش الفرصه واعترفت لها بكل حاجة؟؟

وللدرجه ده علا مستهترة

والله لاادفعك التمن غالى ياعلا

غالى جدا

بمنتهى العصبيه

حاااااااااااضر ياعلا

وضرب قبضة ايده اليمين في راحة ايده الشمال

ماكنتش اعرف انك بالحقارة ده

استغفر الله العظيم

ردة فعلها كانت سريعة جدا

انا كنت متخيل انها بعد الكلام اللى قلته

انى قلبت الترابيزة عليها

وحطيت الكرة فى ملعبى

*******************







هناك 13 تعليقًا:

  1. طيب البوست ده من قيمة سنه كده ... ممكن نعرف ايه اللى حصل بعدين؟؟؟

    وبعدين علا فعلا قالت لوالدته؟؟؟


    انا كده تهت على فكره

    ردحذف
  2. ههههههههه

    اسلوبك جميل يا قمر فى السرد

    تحياتى

    ردحذف
  3. ياااااهخ ده انا فاتنى كتير اوى
    بس انا عارفة انك بتعذرينى ياقمر
    بجد وحشتينى جداااااااااا
    ماتتاخريش بالجديد بقى

    ردحذف
  4. عاوزاااااااه حلقااااااااااااااه

    مليش دعوه

    ردحذف
  5. على فكره .. شهرين على ما تنزلى بوست ده كتير بجد

    متعلقيناش يا وايز .. ولا هو مفيش فايده فيكى؟؟

    أنا احتج (وش عمال يبرطم وزعلان)

    ردحذف
  6. انتي فين كل ده ؟؟؟؟؟؟؟؟؟؟؟
    طيب طمنينا عليكي مش مهم الجلقات المهم تكوني بخيييييير

    ردحذف
  7. مختفيه ليه
    انا حبيت اجى اعيد عليكى
    كل سنه ومصر كلها بخير
    عيد سعيد

    ردحذف
  8. انتي فين كل ده ؟؟؟؟؟؟؟؟؟؟؟
    يا رب تكوني بخير
    طمنينا طيب عليكي

    ردحذف
  9. مها البنا السلام عليكم ورحمة الله وبركاته
    اعتذر بشدة عن التاخير معلش ظروف خارجة عن ارداتى
    دعواتك
    واسفة على التاخير

    ردحذف
  10. منى ابو السعود
    السلام عليكم ورحمة الله وبركاته

    معلش يامنى كان عندى ظروف والنت مش متوفر عندى خالص
    اسفه على التاخر فى الرد
    بجد وحشتونى
    وشكرا لسؤالك واطمئنانك عليا
    واعتذر مرة تانيه على التاخير

    ردحذف
  11. مرمر
    مش انا اللى مختفيه
    نتى هو اللى اعتزل مبكر
    ربنا ييسير الحال واركب نت عندى ان شاء الله

    ردحذف
  12. دنيارواياتى
    اهلا وسهلا بك معانا على المدونة
    اسعدنى مرورك

    ردحذف