شجرة العائله

شجرة العائله

الجمعة، 8 أبريل 2011

*الحلقة الثانية عشر المواجهة



ورجعت صاحبتنا سرحانة وبتفكر فى اللى هى عملته

بعد ما قابلت خالد فى عيادته

ياترى غلط ولا صح؟

انا ايه اللى خلانى سبت له النمرة ؟

يااااااااه

اول مرة اعمل حاجة من غير ما استخير

انا ازاى عملت كده؟

ياترى انا صح ولا غلط؟

و رن جرس التليفون

ترررررررررررررن

.تناولت هاتفها من على السرير بسرعه قبل ما البيت كله يصحى على الصوت

تاملت الرقم...رقم غريب!!

ارتجفت ايدها وهى بتتناول تليفونها

وقالت لنفسها:أكيد هو

تنفست ثلاث مرات بعمق..عشان تنظم تنفسها ....

وردت: سلام عليكم

سمعت صوته الجاف العصبى: طلباتك؟؟

أسلوبه وترني فحاولت اتماسك وقلت بكل هدوء:كدا على طول طلباتي؟؟

خالد:............

سكت لحظات ورجعت قلت له: إن شاء الله تكون زيارتى وهديتى عجبوك

رد بصوت عالي: اخلصي !!....انتى عايزة ايه ؟

جاوبته بحقد: عايزك تسدد الدين اللى عليك

خالد :دين .....وعليا

الاخت مندوبة تحصيل فى بنك؟

انتى اكيد مش مظبوطة

صاحبتنا : لا عليك ديون مش دين واحد

جاوب ببرود: ماعنديش ديون لحد

قلت له: راجع حساباتك كويس وانت تعرف إن عليك دين

خالد : بقول لك ايه؟

من غير لف ودوران

انتى مين؟

وعايزة ايه؟

جاوبته بكل برود: عايزاك تحترم الانسانة اللى شايله اسمك

ده اقل حاجة قصاد اللى عملته علشانك

والا هيكون ليا تصرف مش هيعجبك

خالد : قلت لك انا ما بتهددش واعلى ما فى خيلك اركبيه

صاحبتنا : بس كده؟

حاااااااااااااااااااضر

اعلى ما فى خيلى هركبه

ونشوف مين اللى هيضحك فى الاخر

خالد بكل بروود: هنشوف

صاحبتنا :...........

خالد : ممكن تخلصينى وتعرفينى انتى عايزة ايه منى بالظبط

صاحبتنا : زى ما خطبتنى

تتصرف وتلغى الموضوع

خالد يابنتى انتى بتلككى؟

انا خطبتك ولا جيت جنبك؟

انتى فايقه يابنتى ولا شاربة حاجة؟

صاحبتنا : لا انت اللى شارب علشان كده مش عارف تستوعب كلامى

خالد : انت فعلا واحده مستهترة ومعندكيش اخلاق

ده بقى طريقة جديده للمعاكسة

صاحبتنا: يا سلاااااااام

دا انا اللى مستهترة؟

والله من بعض ما عندكم

قال وهو مندهش: هههههه يعني انتي

دلوقت عايزنى الغى الخطوبة؟

اللى انا اصلا ما عملتهاش؟

مش باقول لك بتلككى

قلت له عشان أستفزه: اه و هتلغيها غصبا عنك

قال ببرود: العبي على قدك

سألته : يعني مش خايف ؟

قال بحدة : بما انك مستقويه بشويه كلام وتهديدات

فأنتي غلطانة مش دكتور خالد اللى يتهدد

انتي غلطانة في العنوان

قلت له بسرعة عشان قبل ما يقفل الخط: اروى

مراتك مش خايف عليها؟

قال بعصبية: إنتى ايه علاقتك بمراتى

جاوبته ببرود: الله .. الله

ده دكتور خالد طلع متجوز اهو

قال بإحتقار: ما تقدريش تعملى اى حاجة

واللى عايزة تعمليه اعمليه

وقسما بالله العظيم لو مسيتي فيها شعرة ..لأخفيك من على وش الأرض

وانا اعرفك مين خالد كويس

انا غلطان إني اتكلمت مع وحدة زيك

وما تفتكريش ان كلامك ده ممكن يأثر فيا

روحي العبي بعيد

اضافت باستفزاز: ووالدتك؟

خالد :...............

خالد : انتى ماتقدريش تعملى اى حاجة .

صاحبتنا : لا مسألة إني ما أقدرش اعمل حاجة

ممكن نبقى نتاكد منها بعد كده

اما موضوع ما اعرفكش كويس!!

فانا اعرفك كويس جدا

اكتر مما تتخيل

صاحبتنا: اه صحيح الكلام خدنا

و نسيت اعرفك بنفسى

خالد :ومين قال لك انا عايزاتعرف بواحدة زيك؟

صاحبتنا :للاسف ده مش بمزاجك انا بنت خالتك

جاوبنى باندهاش : بنت خالتى ..!!!!!!!!!!!!!؟؟؟؟؟؟ ؟؟؟؟؟؟.

وصاحبة اروى

والعروسه الجديدة اللى والدتك خطبتها لك

الى هنا لم يستطع خالد اكمال المكالمة فاغلق هاتفه بسرعه

ووقف شاردا يفكر وهو لا يستطيع للان استيعاب ما قالته
عـــــــــــــــــــــــــــــــــــــــــــــلا
عــــــــــــــــــــــــــــــــــلا

**************


هناك 5 تعليقات:

  1. السلام عليكم يافندم
    بصي بقي اناقريتها اول مانزلت بس ما كنتش عارفة اعلق كنت مصدومة شوية واساسا كان مودي وحش من احداث البلد ...
    المهم الحلقة حلوة تطور جديد و غريب انا استغربت جدا علي فكرة و اتفاجئت جدا مش عارفة بس مش راكب علي شخصية علا التصرف ده يمكن لما توضحي لي الجملة دي افهم :
    جاوبته بكل برود: عايزاك تحترم الانسانة اللى شايله اسمك

    ده اقل حاجة قصاد اللى عملته علشانك ...
    هناتقصد صاحبتها صح يعني هي عاوزاه يحترم صاحبتها
    لو كده تبقي راكبة معها بس ليه الغموض و اسم مختلف ليه مدخلتش في الموضوع علي طول " وش يعني " :))
    علي العموم هايبان متتأخريش بقي
    يومك سكر ان شاء الله

    ردحذف
  2. أوباااااااااااااا

    إنقلبت المشاعر مليون الميه والأحداث تطورت يا وايزى

    ناويه تقعدى شهر عشان نعرف الجديد ولا ناويه ترحمي فضولنا وتنزلى حلقه بسرعه؟؟؟؟

    منى !!!

    أعتقد انها تقصد صاحبتها اللى متزوجاه وشايله إسمه .. لكن لما تيجى وايزى توضحلنا الموضوع ده


    متتأخريش يا وايزى

    ردحذف
  3. منى ابو السعود
    وعليكم السلام ورحمة الله وبركاته
    ربنا يصلح الحال ان شاء الله ويقدر لبلدنا كل خير
    ويرزقناالحاكم العادل
    سعيدةجدا بمتابعتك واستفسارك
    وكلام علا
    جاوبته بكل برود: عايزاك تحترم الانسانة اللى شايله اسمك

    تقصد صديقتها الانتيم اروى
    زى ما مها البنا
    الله يبارك لها وضحت
    دمتى بكل خير
    واتمنى لك كل توفيق
    وبالنسبة لسؤالك ليه الغموض؟ هتعرفى فى الحلقات الجديدة

    ردحذف
  4. مها البنا السلام عليكم ورحمة الله وبركاته
    طيب انت بتسالينى وقلقانة لو انا ناويه اقعد شهر ؟
    تعملى ايه سعادتك فى اللى بقى لهم اكتر من شهر
    ما فيش اى حاجة نقراها لهم !!!!!!!!!!!!!!!
    اذا عرفتى الاجابة برجاء الاتصال على مدونة الطير المهاجر
    نرجو سرعة الرد قبل ما الطير يهااااااااجر ويطير

    ردحذف
  5. على فكره انتى معترضه كده دايما؟؟؟ مش عاجبك شئ؟؟
    انا يا ستى مش معلقه حد معايا وبعدين مانتى عارفه القلم فضى ومفيهوش حبر اليومين دول

    ان شاء الله الطير المهاجر يحط على شجره ويكتب قريب

    قولى يااااااااارب

    ردحذف