شجرة العائله

شجرة العائله

الأحد، 19 ديسمبر، 2010

الواجب الثانى :علشان ماحدش يقول انى كسلانة



الواجب ده وصلنى من الاستاذة: منى ابو السعود

  صاحبة مدونة تخاريف عقل وقلب 
بمعنى اصح  لو حد اتخنق او زهق
فهى السبب هى اللى بعتت الواجب ده ليا
يالا استعينوا على الشقا بالله وتعالوا صدعوا معايا شوية
السؤال الاول : عرف الكاتب و اذكر نبذة عن تاريخ حياته ؟

حاسه بالسؤال ده كانى قاعدة فى السجل المدنى
ماعلينا
الاسم والسن والعنوان

ابدا بالاسم :نهى عبدالمعز الليثى

السن : ولو انى كان نفسى اعمل زى البنات
احاول اقلدهم يعنى
واقول حد برضه بسال بنت عن سنها

بس على ايه الحيرة ده
واوجع دماغكم معايا على ايه

متهيالى كده نسيتم السؤال كان اصلا عن ايه

عدوه بقى

المهنة : اكيد كلكم عرفتوا ...... مُدرسه

لو تحبوا تعرفوا مدرسه ايه ؟

اكتر مادة اغلب الناس مش بتحبها هى اللى بدرسها

مدرسه math
العنوان:القاهرة
صفات الكاتب :عيبى العصبية بس الاهم انها مش بتخرج الا بعد فترات تحمل كتيييييييير وبعد استنفاذ طاقتى كلها فى الاحتمال
**************
السؤال التاني : متي بدأ الكاتب نشاطه؟

من 2004 بس كانت محاولات وخواطر
***************

السؤال الثالث : ما الدافع وراء ارتكاب هذه الجريمة
 " قصدي المدونة "
عدة اسباب

كنت دايما بالاحظ ان الناس بتحاول تقلد بطل القصة او المسلسل فى الافكار
والكلمات
ودايما لما يتحطوا فى موقف ممكن ياخدوا نفس ردة فعل بطل
القصة او الفيلم اللى تابعوه

ففكرت انى اكتب قصص تقدم فكرة وفى نفس الوقت يكون فيها افكار دعوية

واربط الدين بالحياة ومن هنا جت لى فكرة هل لنا ان نعود ؟

واللى كانت سبب بمعرفتى بناس كتير من اهمها

نهى صالح صاحبة مدونة كلام فاضى

واختى فى الله
 دعاء محمد الشبرواى صاحبة مدونة رسالة على فراش الموت

والاستاذ مجدى حاتم صاحب مدونة افكار وكلام

واختى الحبيبة
مها البنا صاحبة مدونة الطير المهاجر
*****************
السؤال الرابع : لماذا تكتب و ما هي طموحاتك ؟

بكتب علشان....... اعبر عن نفسي و مشاعري

وكمان من باب الدعوة

هتقولوا لى ازاى؟؟

هقول لكم انا متاثرة جدا بالاية
( ادع الى سبيل ربك بالحكمة والموعظة الحسنة)

يمكن فى يوم من الايام حد يتنفع باى كلمة باقولها

وتكون ليا فى ميزانى وقت الحاجة

علشان كده كنت بافرح جدا لما حد يقول انه استفاد او اتعلم حاجة من قصة هل لنا ان نعود ؟

وعندى هدف تانى اهم

نفسى بجد احققه نفسى الدين يكون كل حاجة فى حياتنا

ونعرف انه مش تعصب خالص

---------------------------------

صدعتكم على الاخر 
بس انتم اللى طلبتم

صديقتى منى ابو السعود انا كده عملت الواجب اهو
علشان تعرفى انى مش تلميذة كسلانة
دمتى بخير




هناك 15 تعليقًا:

  1. شاطرة يا نهي
    بس ايه استاذة اللي في الاول دي
    حلو اوي موضوع ال math ده يعني هاتنفعيني لما الولاد يكبروا طبعا هاتذاكري لهم لله في الله ما احنا اصحاب بقي :))
    شكرا انك عملتي الواجب بسرعة و يا رب ما تكونيش اتضايقتي منه

    ردحذف
  2. احنا اصحاب اه
    ببلاش ما عرفش حد خالص
    وبعدين احنا مش قلناالدروس الخصوصيه ممنوعة
    الله
    حضرى انتى بس الولاد وكبريهم كده
    واى حاجة تحتاجيها ولا يهمك
    دمتى بكل خير يامنى
    اتمنى لك كل خير

    ردحذف
  3. بارك الله فيكى وجعل جميع موضوعاتك فى ميزان حسناتك
    تحياتى لكى اختى العزيزة

    ردحذف
  4. برااااافو يا وايزتى

    عشره على عشره

    سيبك انتى .. فاكره أيام هل لنا أن نعود؟؟

    عقبال يارب لما تنزلى القصه هنا

    أنا واثقه انها هتعجب ناس كتير جداااا

    وواثقه أكتر ان مذكرات علا لن تقل مستوى ولا أداء عن سابقتها

    متابعاكى يا قمرايه ويارب يجعل كل أعمالك خالصة لوجهه الكريم ومنقاه من الرياء .. لكِ ولنا وللمسلمين

    أميييييييييين

    ردحذف
  5. ايه ده طلع اسمنا زى بعض
    طيب والله انا اول مرة اعرف وفرحانة جدااااااااا
    مش كنتى تقولى من زمان
    بصى بقى قصة هل لنا ان نعود دى انا بحبها اوى اوى اوى
    وكل اللى انتى بتكبيه بمنتهى الصراحة بيعجبنى جدا

    ردحذف
  6. أزال المؤلف هذا التعليق.

    ردحذف
  7. أزال المؤلف هذا التعليق.

    ردحذف
  8. هبة فاروق السلام عليكم ورحمة الله وبركاته
    جزاكى الله خيرا على دعاءكى الجميل لى
    واسال الله لك مثلما دعوت لى
    وان يجعل اعمالنا كلها لنا لا علينا

    ردحذف
  9. مها البنا
    السلام عليكى ورحمة الله وبركاته
    تفتكرى انا اقدر انسى ايام هل لنا ان نعود
    ولا اقدر انسى الناس اللى اول ما اتعرفت عليها واول مرة ترد عليا كان تعليقها الوحيد ان الحلقه قصيرة
    وعمرى ما انسى انها كانت سبب فى اخوتنا الجميله فى الله

    ويارب يوميات علا ما تقلش على هل انا ان نعود ان شاء الله
    سلام يا اغلى اخت

    ردحذف
  10. نهى صالح السلام عليكم ورحمة الله وبركاته
    شفتى يا ستى طلع اسمنا زى بعض
    مش عارفه ده من حسن حظك ولا
    ههههههههههه
    كلامك الرقيق اخجلنى يانهى ويارب يوميات علا تفضل عند حسن توقعاتكم

    ردحذف
  11. ارجو ان تتقبلي مروري الاول

    و ردودك علي الاسئله ممتازه

    يشرفني ايضا ان تزوري مدونتي المتواضعه لتبادل المتفعه ان شاء الله

    ردحذف
  12. المصوراتى اهلا وسهلا بك وان شاء الله ما تونش زيارتك الاخيرة واتمنى لك كل توفيق فى امتحانتك
    دمت بخير

    ردحذف
  13. مساء الخير لاحلى طير

    ايه الواجب الحلو ده.. اللى فرح الكل ده

    بجد كاتبة ممتازة و قصصك جميلة

    اتمنالك التوفيق و النجاح دائما

    تحياتى و سنه جديدة حلوة ليكى و لينا

    ردحذف
  14. اتمنى لك مزيد من التألق دوما ،،،
    تقبلي مروري لاول مرة على صفحة مدونتك وان شاء الله مش الاخيرة ..

    ردحذف
  15. وجع البنفسج السلام عليكى ورحمة الله وبركاته
    اهلا وسهلا بك على صفحات المدونة
    واسعدنى مرورك
    واتمنى انها ما تكونش زيارتك الاخيرة
    دمتى بخير

    ردحذف